KABAR WAKTU

MOHON MAAF LAHIR BATHIN

Lihat Kartu Ucapan Lainnya (KapanLagi.com)

Palestina, Melanggam Luka

I
Dibalik mimpi, lukisan perang
Mengikis hati para pengungsi
Yang tergolek di tenda-tenda
Di sepanjang perbatasan kemanusiaan

Dengarlah desing peluru !
Saban hari, suaranya begitu parau
Dan aku ingat hari itu:
Anak-anak takan bisa bernyanyi lagi
Mengeja peta dan shalawat
Yang setia melanggam luka

Kepada saban raungan mortar
Angin telah mentasbihkan kematian
Di padang debu penuh sembilu
Hiruplah bau darah, asap mesiu !
Atau lihat sobekan daging yang terpanggang
Pada tubuh perempuan hamil muda

Di Gaja, segala nampak sederhana
Genosida !

II
Ada sujud yang terhenti
Di hari jumat penuh tragedi
Lalu malam merayakan kematian
Di lorong-lorong persembunyian
Ketika rudal ditembakan sembarang arah
Dan mendarat dalam buku-buku sejarah

Tapi takan terbaca olehmu, anakku
Bagaimana bayi-bayi itu menemu ajal
Saat maut menyarangkan banyak peluru
Ke tanah suci yang dijanjikan

Ya, di sepanjang sungai trigis
Beribu nyawa mengalirkan deras tangis

2009

kepada waktu

kepada waktu
selalu saja kutitipkan pesan rindu
tentang malam-malam yang rapuh
namun masih seperti dulu:
kau yang jauh
bahkan terlalu jauh untuk kusentuh
dengan kenangan yang serba dingin
sedingin sajak tanpa kelamin...

Ajaib

Potret di atas adalah gambar asli yang kuambil pada awal tahun 2008 sehabis usai melakukan apel pagi depan kantorku. Maha suci Alloh, semoga hal ini mampu menggugah dan meningkatkan kualitas keimananku dan orang-orang yang meyakini kebesaranNYA. Amin.

Sajak Sunda

Daaruttaqwaa*

Di masjid
Kuring palid
Dina hiji walungan dzikir
Nu ngamalir
Ka lebah kiblat

Ngangkleung kuring
Kabandang caah cimata dosa
Rumasa baheula mah mindeng teuleum
Dina leuwi kamasiatan
Basa anteng kokojayan na botol arak
Atawa rucah
Na saban lombang tambakan syahwat

Palid kuring
Ka lebah jempling
Ngangkleung kuring
Na umpalan petengna peuting

Hawar-hawar kareungeu séah sagara
Mapag haté nu ngayambang di muara
Muarana mangrupa duá
Terus ngamalir saméméh anjog
Ka laut kubur

2008

*) ngaran masjid di Kota Tasikmalaya


Sajam Saacan Yogya
Keur Ela Dahlia

Sajam deui nepi ka Yogya, bet kakeueung
Dumadak midang na saban gerbong

Kuring inget ka anjeun
Basa masinis nanyakeun karcis
Basa aya tukang jajaluk namprakeun leungeun
Jeung nu ngamen teu eureun-eureun
Ngawihkeun tresno karo koé

Sajam deui nepi ka Yogya
Nu kasawang mangrupa ringkang pinareup anjeun
Kawas iklan dina Koran, atawa demonstrasi
Mahasiswa nu pageduk jeung pulisi
Basa harga nyemprung ngapung ka alak paul
Ka lebah langit nu nangtawing
Kusabab sieun BBM naek peuting ayeuna

Teu karasa, keclak cimata
Ngaminyak damar na congo ati
Ngahurungkeun saban harepan
Tina obor ruruhit wanci

Peuting ieu urang geus sapuk
Rék ngedalkeun rusiah cinta
Najan ranjang kari bantalna
Najan paké kari simpayna
Sok sanajan sajak ringrang
Henteu weléh méré wirahma
Impian jaga:
Nyiar bakti nya ka gusti
Nyieun bukti jang ka diri

Sajam deui, saacan Yogya nawarkeun pasar
Beringharjo atawa jalan Malioboro
Geus kaangseu parfum anjeun
Geus karasa keueut galentor ciuman anjeun
Mapag kuring di statsion Lempuyangan
Bari imut ngais kakangen
Barudak urang

24 Mei 2008



Tetengger
(Keur Oto Iskandar di Nata)

Di dieu, aya hujan saban poé
Jeung ibun nyebor batu-batu lukutan
Sabot haté geus kakeueum gulidagna rasa cinta
Lebah akar-akar Kiara nu ngaranggeum
Hiji kuburan di basisir pangjauhna

Di darat pabéja-béja
Di laut anjeun perlaya

Surup muru jajantung
Panon poé pulas bungur
Minding asih nu ngagetih
Jeroeun dada, kingkilaban
Ngariak dina genyasna hujan
Tinggeleber jiga cicika muru pepeteng

Poé nu dikeupeul ku leungeun anjeun
Ngan tulisan sajarah buhun
Mangsa madep ka lebah kiblat
Satukangeun congo sangkur
Ajal ngolébat ngabegal umur

Nu simpe, di dieu, ngan saukur
Panineungan nu angger jeneng
Nulak cangkéng di pencut waktu
Bari ngabar hiji carita
Ngeunaan béntang nu muguran
Lir kararas awi wulung

2008


Galunggung

Sukma geni nyilalatu, ngahuru
Waktu na saban pencut keusik gunung
Papencrong-pencrong iman jeung nafsu
Nganti balangah sala sahiji
Rék silih rebut haté kulawu

Ti jauhna, satengahing beuti canar
Mesin sénso tinggarerung
Sorana ngaweuh ka langit
Ari langit geus beureuyeung pihujaneun
Kari luncat
Nyawér jerit kai rungkad

Alam téh keur digadabah
Tina suku jeung huluna
Ngan kur lombang ngaborok jawa
Basa ramo-ramo béku
Ngeruk simpé sategalan
Sarta nyulap ampar lahar
Jadi gedong-gedong sigrong

Sukma geni nyilalatu
Galunggung bitu dina haté nu kulawu

2008


Basa Mimiti Usum Pareum Listrik

Lampu pareum ti sore kénéh
Saha atuh nu acan mayar rekening listrik?
Boa-boa di garduna aya gangguan?
Nya bisa waé, meureunan kabéntar gelap
Da ti kamari hujan can raat

Kalayan sabar, anjeun ngingkig meuli lilin
Sarta ngahurungkeunna di imah
Tapi geuning budak anjeun mah
Nu umurna genep taun
Teu ieuh hayang ngartieun
Da sinétron karesepna rék diputer
Peuting ayeuna

Bakating keuheul, antukna
Anjeun indit ngajual tv
Sabab iuran sakola can kabayar
Da ceunah arék ujian- atawa-
Nya keun bae masalah éta mah
Da BBM atawa sembako
Nu leuwih penting dibeuli ayeuna

Nya ku duit
Jeung harga diri

2008


Cinehel
: Idah Jubaedah (alm)

Hiji ngaran, nyitak jelas
Na tetengger kuburan waktu
Nya didinya geus dikureb dipulasara :
Indung kuring!

Taya nu wanoh, harita
Mangsa hujan pipisahan jeung langitna
Hieum ceudeum kaayaan ieu dada
Angin janari, angseu kembang
Nganteur tineung nu beuki keueung

Sagalana jadi simpe, harita
Basa peuting nyalin jinis jadi ibun
Isuk-isuk reumbeuy tungtung jujukutan
Nu ngemploh ngahejo pikir budak pahatu
Baseuh taneuh, sedong-sedong, sirung padung
Mungkas carita tujuh lengkah sabada talqin
Ngabeberah ragragna asin cimata

Hiji ngaran, beuki eces
Na tetengger kai randu
Na geleter hate batu
Jero ngagurat na saban urat
Lain ngaran saukur ngaran :
Indung kuring!

2003


Sajak

Buku,
Pulpen,
Hurup-hurup,
Jadi kecap,
Jadi kalimah
Jadi catetan, angka-
Angka milu nyaksi sajarah dunya
Ditulis!
Ku kesang jeung mangsi getih

Tuluy sajak ngamalirkeun herang cimata
Ka muara-muara du’a
Kaangseu dosa baheula
Nu ngabugang dina mangsa

2003


Kubur

Nurih ngaran na tetengger
Teu penting deui urang tatanya
Saha nu lahir leuwih tiheula

2003


Katumbiri

Ngaruy!
Hujan poe, sakedapan
Maseuhan jalan

Ti langit, ngolebat
Katumbiri
Melengkung na tungtung jukut

Na rek naon para dewa turun ka dunya
Bari ngabar-ngabar bandera?

2003

(sajak di luhur ieu teh, minangka na mah, respon kuring kana kaayaan sosial pulitik bangsa nu keur nyanghareupan sajarah anyar, nyaeta dina PEMILU 2004)


Kangen

Kalangkang anjeun, sariak
Layung impenan nu ngempur
Di jomantara hate
Mapaesan simpe poe
Ngemat asih nu ngagetih
Na ieu dada

Ngagambar deui carita lawas
Sajak-sajak nu geus laas

Tapi, anjeun
Lir angin nebak sagara
Ngahiliwir
Teuing ka mana jigna

2003


Tadi Peuting

Sapeupeuting, hujan
Teu raat-raat ngaririncik
Tina jiwa jeung katresna
Nyurucudkeun kesang seuneu
Mangsa angen-angen ngumbara
Di antara langit jeung bumi

Sedeng impian,
Beuki mubus na keukeupan ranggeum ajal
Jeung birahi kaimanan

Sapeupeuting, angin
Nyeah rongkah teu reureuh-reureuh
Na kaceuceub jeroeun sukma
Niupan sahengna getih
Mangsa waktu ditubleskeun
Ka sela waktu anu nyongkab

Najan jerit kanyenyerian
Tingkerelep
Dina sumur kakangen anjeun

Sapeupeuting, taneuh beureum
Ngaliang kubur na implengan
Tapi simpe bet beuki simpe
Sok sanajan dikiruhan
Rawah-riwih dzikir urang

2002


I Love You

Demi tangkal pangharepan
Anu ngakar dina karempan
: lamun aya waktu keneh pikeun urang neuleumanana
lautan nyaksi Panonpoe
bakal surup na soca anjeun

nu kiwari ceudeum langitna
nunggu peuting gancang datang
mamawa bulan, bari
neuteup kalangkangna anu ngangkleung
balayaran na sagara
sugan jeung sugan
ranggeuyan bentang maruguran
na keukeupan cinta urang
Demi areuy-areuy katineung
Nu ngaranggeum rasa kadeudeuh

: lamun aya kasempetan keur nadahna

mangka hujan moal reuntas turun ka dunya
nyeboran lemah duriat nu hanaang
balas lila kahalodoan
ngibun hate nu rancucut kaanginkeun
ku seah jaman jeung kanistaan
Demi hilir nu micangcam
Panggih ci nyusu na huluwotan

: kuring sadia nyumputkeun wanci

nu tinggal hiji rusiah ati
najan pati dirampas tungtung peso balati

2002-2003


Endonesia

Hujan, nyebitan mega
Nu ngangkeub na jero dada
Meupeus simpe ku gelap jeung kingkilaban
Ngabedah-bedah hate nu geus heubeul nyidem rusiah

: rusiahna Sangkuriang jeung Malin Kundang

Geuning lain saukur dongeng
Panganteur nyaah jeung geugeut
Jadi pitapak tina leugeut
Basa hujan anteng maseuhan
Teuneung katineung mangsa katukang
Aya tatit beureum bodas, ngajorelat
Nyamberan tungtung tihang bandera

Gedur seuneu
Ngahebos ketug ratug jajantung
Panas nyongkab na rantengna urat sarap
Ngabebela lebah walikat
Nu geus tatu balas nahan tenggoran batu

: batuna patung Malin Kundang
batuna gunung Sangkuriang

Ngan kiwari, kari rasa
Jeung rumasa nu tinggal sesa
Tingburial kahanjakal na lemah –
Cai nu ku urang dipupusti
Kabanjiran cimata indung
Kasupata cimata indung

2002


Tembang Paturay

Liuh linduh dina tatangkalan peuting
Manglaksa kuricak bentang baranahan
Tingkariceup, bangun anteng ngajak katineung
Nu nampeu na bangbaluh caya bulan
Mapayan mega jeung halimun
Kabawa palid sumilir angin
Ka basisir lamping asih tina ati
Tuluy neumbrag guligahna seah ombak
Panglamunan…….

Anjeun nu labas ingkah ka jomantara
Ilang tapak teu kateang lengkah mangsa
Basa nyanding balayaran pamayang batin
Na tamela nu ngayambang luhur lautan
Nu gumuruh reuntas harepan

Kamelang, kiwari ngancik dina hujan
Ngaririncik maseuhan rasa
Sieun anjeun teu mulang datang
Mayar jangji rek panggih deui

2002